ابن حجر عسقلانی

Osmanlica ansiklopedi kamus alemde ابن حجر عسقلانی maddesi. Sayfa:616


İbni Hacer Askalani - ابن حجر عسقلانی

(ابو الفضل شهاب الدین احمد بن علی) كبار علمای محدثیندن و مشاهیر فقهاء شافعیه دن اولوب، ٧٧٣ تاریخنده مصرده طوغمش؛ و بعده التحصیل شام و حجاز كیده رك، مدت مدیده علم حدیث ایله‌ اشتغال، و اكثریسی بو علم شریفه متلعق اولمق اوزره، یوز اللیدن زیاده كتاب تألیف ایتمشدر. آثارینك اك مشهور و اك بیوكی ((فتح الباری فی شرح البخاری)) اولوب، آثاری ساىٔره سنك ده اك مشهورلری شونلردر : ((الاصابة فی تمییز الصحابة))، ((انباء الغمر فی ابناء العمر ))، ((تقریب التهذیب))، ((نخبة الفكر و نزهة النظر )) ،((شرح نخبة افكر)) ، ((فتاوی الحدیث ))، ((بلوغ المرام من ادلة الاحكم)) ، ((بذل الماعون فی فواىٔد الطاعون)) ، ((لسان المیزان)) ، ((تخریج احادیث الكشاف)) ، ((زهر الفردوس)) ، ((مسند البزار))‌، ((نصب الرایه لاحادیث الهدایه )) تاریخه متعلق ((توالی التأنیس فی معالی ابن ادریس )) كبی بعض آثاری ومرتب د یوان اشعاری و بعض بلیغ خطبه لری دخی واردر. ((الاصابه فی تمییزالصحابه )) ، ((عنوانلی اثر قیمتداری ابن اثیرك ((اسدالغابه)) سندن دخی مكمل اولوب، ١٢٨۰ تاریخلرنده هندستانك

(كلكته) شهرنده ٦ بیوك جلد اوزره طبع اولنمشدر. صاحب ترجمه ٨٥٢ سنه سی اواخرنده مصرده وفات ایتمشدر.

Kamusul Alamde İbni Hacer Askalani maddesi, ابن حجر عسقلانی osmanlica tarih ve cografya ansiklopedisi İbni Hacer Askalani nedir anlami. hakkinda bilgi



6 13 20 27 34 41 48 55 62 69 76 83 90 97 104 111 118 125 132 139 146 153 160 167 174 181 188 195 202 209 216 223 230 237 244 251 258 265 272 279 286